महाराष्ट्र राज्यातील सर्व शाळामध्ये इयत्ता पहिली ते नववी इयत्तासाठी वार्षिक परीक्षा /संकलित मूल्यमापन /PAT चाचण्याचे आयोजन एकाचवेळी होणार .

महाराष्ट्र राज्यातील सर्व शाळामध्ये इयत्ता पहिली ते नववी इयत्तासाठी वार्षिक परीक्षा /संकलित मूल्यमापन /PAT चाचण्याचे आयोजन एकाचवेळी होणार .

या संदर्भातील पत्र महाराष्ट्र राज्य शैक्षणिक संशोधन व प्रशिक्षण परिषद यांनी काढले आहे .

राज्यातील सर्व शाळामध्ये इयत्ता पहिली ते नववी वर्गाच्या परीक्षा साधारणपणे मार्च महिन्याच्या अखेरीस एप्रिल महिन्यामध्ये सुरुवातीस शाळास्तरावरून घेण्यात येतात. एप्रिल महिन्याच्या सुरुवातीस वार्षिक परीक्षा पूर्ण झाल्यास त्यानंतरच्या कालावधीत शाळा सुरू असल्या तरी विद्यार्थी उपस्थिती पुरेशी असत नाही. अशा पद्धतीने परीक्षेचे आयोजन वर्ष अखेर करणे ऐवजी लवकर केल्यामुळे विद्यार्थ्यांना अध्ययनासाठी मिळणारा कालावधी कमी होतो. तसेच प्रत्येक शाळेची वेळापत्रक वेगवेगळे असल्याचे निदर्शनास येते. सबब, राज्यातील सर्व शाळांमध्ये एकवाक्यतता असावी व उपलब्ध वेळेचा पुरेपूर उपयोग विद्यार्थ्यांच्या अध्ययनासाठी व्हावा यासाठी राज्यातील शाळांमध्ये वर्षअखेरीस घेण्यात येणारे मूल्यमापन एप्रिल महिन्याच्या उत्तरार्धात करण्याचे विचाराधीन आहे.

राज्यातील शासकीय स्थानिक स्वराज्य संस्था व खाजगी अनुदानित शाळांमध्ये इयत्ता तिसरी ते नववीच्या विद्यार्थ्यांसाठी नियतकालिक मूल्यमापन चाचण्याचे (PAT) आयोजन करण्यात येत आहे. यास अनुसरून सन  २०२४-२५ मध्ये या शैक्षणिक वर्षात पायाभूत चाचणी, संकलित मूल्यमापन चाचणी-१ व संकलित मूल्यमापन चाचणी-२ अशा तीन चाचणीचे आयोजन करण्यात येणार आहे. त्यासोबत चालू शैक्षणिक वर्षात राज्यातील सर्व माध्यमाच्या व सर्व व्यवस्थापनाच्या शाळांमध्ये इयत्ता पहिली ते नववीच्या वार्षिक परीक्षेचा कालावधी समान ठेवण्यासाठी याद्वारे सूचना निर्गमित करण्यात येत आहेत.

सन २०२४-२५  मध्ये राज्यातील सर्व माध्यमाच्या व सर्व व्यवस्थापनाच्या शाळांसाठी वार्षिक परीक्षा व संकलित चाचणी-२  ( नियतकालिक मूल्यांकन चाचणी – PAT) आयोजनाबाबत वेळापत्रक खालील प्रमाणे देण्यात येत आहे.

सर्वसाधारण सूचना

1. संकलित मूल्यमापन-२ साठी परीक्षांचे आयोजन शाळा स्तरावरून करण्यात येईल तथाशी त्यासाठी यासोबत दिलेल्या वेळापत्रकाचा वापर करण्यात यावा.
2. शासकीय स्थानिक स्वराज्य संस्थांच्या तसेच खाजगी अनुदानित शाळांना PAT अंतर्गत इत्यादी ३ ते ९ वी साठी प्रथम भाषा, गणित व तृतीय भाषा (इंग्रजी) या विषयासाठी संकलित मूल्यमापन-२ च्या प्रश्नपत्रिका राज्य शैक्षणिक संशोधन व प्रशिक्षण परिषद महाराष्ट्र पुणे या कार्य कडून पुरविण्यात येतील. इतर व्यवस्थापनाच्या शाळांना सर्व प्रश्नपत्रिका शाळा स्तरावर तयार करावयाच्या आहेत.
3. इयत्ता १ ली व २ री च्या सर्व विषयांच्या व इ . ३ री ते 9 वी अन्य विषयांच्या संकलित चाचणी-२/ लेखी परीक्षेच्या प्रश्नपत्रिका शाळा स्तरावर विकसित करून प्रचलित पध्दतीनुसार मूल्यमापन करावे.
4. इयत्ता ९ वी साठी PAT शिवाय अन्य विषयांसाठी वेळापत्रक यासोबत देण्यात आलेले नाही ते शाळास्तरावरून ठरविण्यात यावी.
5. वेळापत्रकात नमूद न केलेल्या (कलाशिक्षण, कार्यानुभव, शारीरिक शिक्षण, इत्यादी) श्रेणी विषयाच्या मुल्यमापनाचे नियोजन शाळास्तरावर करण्यात यावे.
6. शासकीय, स्थानिक स्वराज्य संस्थांच्या तसेच खाजगी अनुदानित शाळांना PAT अंतर्गत पुरविण्यात येणाऱ्या प्रश्नपत्रिकांचा वापर करूनच त्या विषयांच्या संकलित चाचणी-२ घ्यावयाची आहे. इतर विषयांसाठी शाळास्तरावर तयार करून संकलित चाचणी-२ घेण्यात यावी.
7. तथापि, इयत्ता ५ वी ८ वी वर्गासाठी परीक्षा शासन निर्णय दि. ०७ /१२ /२०२३ मधील तरतुदीनुसार स्वतंत्र पणे शाळांनी सर्व विषयांच्या प्रश्नपत्रिका स्वतःतयार करून घ्यावयाची आहे. PAT-३ अंतर्गत दिलेल्या प्रश्नप्रत्रिका वार्षिक परीक्षा म्हणून वापरता येणार नाही.

टीप- इयत्ता ५ वी व ८ वी मधील विद्यार्थ्यांना प्रथम भाषा ,गणित व तृतीय भाषा ( इंग्रजी) विषयासाठी दोन प्रश्नपत्रिका सोडवाव्या लागतील .त्यानुसार नियोजन करावे .इयत्ता ५ वी व ८ वी वगळता अन्य इयत्ताकरिता कोणत्याही विषयाची दुबार परीक्षा होणार नाही याची दक्षता घ्यावी.

8. शाळेच्या स्थानिक वेळेनुसार (सकाळ सत्र/दुपार सत्र) परीक्षेचे नियोजन करण्याचे स्वातंत्र शाळांना राहील . तथापि यासोबत दिलेल्या वेळापत्रकानुसार त्या विषयाची परीक्षा त्याच तारखेस होईल याची दक्षता घ्यावी.
9. तोंडी/प्रात्यक्षिक परीक्षा त्या-त्या दिवशी लेखी परीक्षेनंतर घेण्यत यावी. विद्यार्थी संख्या जास्त असेल तर दुसऱ्या दिवशी अथवा उपलब्ध वेळेनुसार घ्यावी.
10. संकलित चाचणी -२ च्या कालावधीत शाळेतील सर्व विद्यार्थी शाळेत उपस्थित राहतील याची दक्षता घ्यावी . एखादा विद्यार्थी त्या विषयाच्या परीक्षेच्या दिवशी गैरहजर असल्यास तो शाळेत हजर झालेल्या दिवशी त्याची परीक्षा घेण्यात येईल .
11. राज्यातील सर्व व्यवस्थापनाच्या व सर्व माध्यमाच्या शाळांचा निकाल महाराष्ट्र दिन ध्वजारोहनानंतर दिनांक ०१/०५/२०२५ रोजी जाहीर करण्यात यावा. याचबरोबर ०२ मे २०२५ पासून सर्व शाळांना उन्हाळी सुट्टी सुरु होईल .
12. सदर सूचना राज्य मंडळ व्यतिरिक्त अन्य मंडळाच्या शाळांना लागू असणार नाहीत.

संकलित चाचणी-२ आयोजनाची जबाबदारी जिल्हास्तरावर प्राचार्य ,जिल्हा शिक्षण व प्रशिक्षण संस्था , शिक्षणाधिकारी (प्राथमिक ,माध्यमिक) यांची असेल त्यांनी सदर वेळापत्रक हे संबधित सर्व शाळांच्या निदर्शनास येईल याची दक्षता घ्यावी .

उपरोक्त नियोजनानुसार दिलेल्या वेळेत सर्व नमूद इयत्ताची चाचणी होईल याप्रमाणे नियोजन करण्याची जबाबदारी शाळेच्या मुख्याध्यापकाची असेल ,तथापि अपवादात्मक किंवा स्थानिक परिस्थिती लक्षात घेऊन काही बदल करावयाचे असल्यास संबधित शिक्षणाधिकारी यांना राज्य शैक्षणिक संशोधन व प्रशिक्षण परिषदमहाराष्ट्र पुणे यांची परवानगी घेऊनच वेळापत्रकात बदल करावा. वरीलप्रमाणे सूचना शाळा व पर्यवेक्षीय यंत्रणा यांचेसाठी आपले स्तरावरून आदेश व्हावे हि विनंती .